பிளாஸ்டிக் என்பது நம் அன்றாட வாழ்வில் பாட்டில், மூடிகள் மற்றும் உணவுப் பாத்திரங்கள் போன்றவற்றைத் தயாரிக்கப் பயன்படுத்தப்படும் ஒரு பொதுவான பொருள் ஆகும். இருப்பினும், பிளாஸ்டிக்கை தூக்கி எறியும்போது, அது சிதைவதற்கு நூற்றுக்கணக்கான ஆண்டுகள் ஆகிறது. இதன் காரணமாக விஞ்ஞானிகள் பிளாஸ்டிக் கழிவுகளை விரைவாக உடைப்பதற்கான வழிகளைத் தேடி வந்தனர், அதன் பயனாக தற்போது பிளாஸ்டிக்கை பூஞ்சைகளைப் பயன்படுத்தி உடைக்கும் முறையை கண்டறிந்துள்ளனர்.
பூஞ்சை என்றால் என்ன?
பூஞ்சைகள் தாவரங்கள் மற்றும் விலங்குகளிலிருந்து வேறுபட்ட உயிரினங்கள் ஆகும். இவை பெரும்பாலும் மண்ணில் காணப்படுகின்றன மற்றும் தாவரங்கள், மரங்கள் மற்றும் பிற பரப்புகளில் வளர்வதையும் நாம் காணலாம். கரிமப் பொருட்களை உடைத்து, ஊட்டச்சத்துக்களை மீண்டும் மண்ணில் மறுசுழற்சி செய்வதில் பூஞ்சைகள் முக்கிய பங்கு வகிக்கின்றன. பூஞ்சைகளுக்கு உதாரணம்: காளான்
பிளாஸ்டிக் கழிவுகளை உடைக்க பூஞ்சை எவ்வாறு உதவும்?
சமீபத்திய ஆய்வில், ஆஸ்பர்கிலஸ் டெரியஸ் மற்றும் என்ஜியோடோன்டியம் ஆல்பம் ஆகிய இரண்டு பூஞ்சைகள் பாட்டில் மூடிகள் மற்றும் உணவுப் பாத்திரங்களுக்குப் பயன்படுத்தப்படும் பாலிப்ரோப்பிலீன் என்ற பிளாஸ்டிக் வகையை உடைக்கும் என்று ஆஸ்திரேலிய விஞ்ஞானிகள் கண்டுபிடித்துள்ளனர். பூஞ்சைகளால் பாலிப்ரொப்பிலீனின் ஆய்வக மாதிரிகளை வெறும் 140 நாட்களில் உடைக்க முடிந்தது, இது நூற்றுக்கணக்கான ஆண்டுகளில் பிளாஸ்டிக்கை தானே சிதைவடைவதற்கு எடுக்கும் குறிப்பிடத்தக்க முன்னேற்றமாகும்.
இது ஏன் முக்கியமானது?
இந்த கண்டுபிடிப்பு பிளாஸ்டிக் கழிவுகளை சுத்திகரிக்கும் நடைமுறை உயிரியல் வழிகளை உருவாக்குவதில் ஒரு முக்கியமான படியாகும். பிளாஸ்டிக் கழிவுகளை உடைக்க பூஞ்சைகளைப் பயன்படுத்தும் முறையானது பிளாஸ்டிக் கழிவு நெருக்கடியைக் கையாளுவதில் ஒரு நிலையான மற்றும் சுற்றுச்சூழலுக்கு உகுந்த அணுகுமுறையாக அமையும். குப்பைத் தொட்டிகள் அல்லது எரியூட்டிகளில் சேரும் பிளாஸ்டிக் கழிவுகளின் அளவைக் குறைக்க இது ஒரு வழியாகும்.
பூஞ்சை எவ்வாறு பிளாஸ்டிக்கை உடைக்கிறது?
பூஞ்சைகள் பிளாஸ்டிக்கை உடைக்கும் சரியான செயல்முறை இன்னும் முழுமையாக புரிந்து கொள்ளப்படவில்லை. இருப்பினும், பூஞ்சைகள் பிளாஸ்டிக்கை எளிய மூலக்கூறுகளாக சிதைக்கின்றன, பின்னர் அவை உறிஞ்சி அல்லது வெளியேற்றும் என்று நம்பப்படுகிறது.
இந்த முறையின் வரம்புகள் என்ன?
பிளாஸ்டிக் கழிவுகளை உடைக்க பூஞ்சைகளைப் பயன்படுத்துவதற்கான ஒரு வரம்பு என்னவென்றால், வணிகப் பொருட்களில் பயன்படுத்தப்படும் கடினமான பிளாஸ்டிக் பொருட்களை சிதைப்பது பூஞ்சைகளுக்கு மிகவும் கடினமான ஒன்றாக உள்ளது.
அடுத்தது என்ன?
ஆராய்ச்சியாளர்கள் அடுத்த படிகளில் ஒரு முன்மாதிரியை உருவாக்கி பின் வணிக முறையில் இவற்றை எப்படி பயன்படுத்துவது மற்றும் இதனால் சுற்றுசூழலுக்கு எந்தவிதமான பாதிப்பு ஏற்படும் என்பதை ஆராய்ந்து வருகின்றனர்.
Research Facts:
1. உலகின் பிளாஸ்டிக் கழிவுகளில் கிட்டத்தட்ட மூன்றில் ஒரு பங்கு பாலிப்ரோப்பிலீன் ஆகும், இது சிதைக்க நூற்றுக்கணக்கான ஆண்டுகள் ஆகும்.
2. ஆஸ்பர்கிலஸ் டெரியஸ் மற்றும் என்ஜியோடோன்டியம் ஆல்பம் ஆகிய இரண்டு பூஞ்சைகள், பாலிப்ரொப்பிலீனின் ஆய்வக மாதிரிகளை வெறும் 140 நாட்களில் உடைக்கம் என ஆஸ்திரேலிய விஞ்ஞானிகளால் கண்டுபிடித்துள்ளனர்.
3. இந்த பூஞ்சைகளால் 90 நாட்களுக்குப் பிறகு 25 முதல் 27 சதவீத பிளாஸ்டிக் மாதிரிகளை சிதைக்க முடிந்தது, மேலும் 140 நாட்களுக்குப் பிறகு பிளாஸ்டிக்கை முழுவதுமாக உடைத்தது.
4. பல்வேறு வகையான பிளாஸ்டிக்குகள் மற்றும் அவற்றைப் பிரித்து மறுசுழற்சி செய்வதில் உள்ள சிரமம் காரணமாக பிளாஸ்டிக்கை மறுசுழற்சி செய்வது கடினம்.
5. பூஞ்சை முறைக்கு புற ஊதா ஒளி, வெப்பம் அல்லது வேதியியல் மறுஉருவாக்கம் மூலம் கழிவுப் பொருட்களை வலுவிழக்கச் செய்வதற்கு முன்-சிகிச்சைப் படி தேவைப்படுகிறது.
6. பிளாஸ்டிக்-நொறுக்கும் நுண்ணுயிரிகளின் வரம்பு என்னவென்றால், அவை வணிகப் பொருட்களில் பயன்படுத்தப்படும் பிளாஸ்டிக்கின் அதிக படிக வடிவங்களை சிதைக்க போராடுகின்றன.
